Басшы ықыласы

Білім мазмұнын сараптау орталығының ресми сайтына қош келдіңіз!

Біздің орталықтың негізгі міндеті — мектепке дейінгі және орта білім беру ұйымдарына арналған оқулықтар мен оқу-әдістемелік кешендердің мазмұнына қойылатын талаптарды бекітіп, сараптама жүргізу және білім алушылардың сапалы оқулықтармен қамтамасыз етілуін қадағалау, сондай-ақ олардың заманға сай электронды оқулықтармен білім алуына жағдай жасау.

Біздің сайт арқылы сіз мектеп оқулықтарына, электронды оқулықтарға, мектепке дейінгі ұйымдардың оқу-әдістемелік кешендеріне және орталықтың қызметіне қатысты соңғы ақпараттарды ала аласыз.

Егер оқулықтардың, ОӘК-дің мазмұны мен сапасына қатысты тілектеріңіз, қосымша ұсыныстарыңыз, шағымдарыңыз немесе сауалдарыңыз болса — біз кері байланысқа шығуға және ұсыныстарды қабылдауға дайынбыз.

Айта кетейік, ҚР Оқу-ағарту министрлігінің арнайы тізбесіне бүгінде 20-дан астам баспа үйінің оқулықтары мен оқу-әдістемелік кешендері енген. Бұл басылымдарды еліміздің 7,5 мыңға жуық мектебіндегі 3,5 млн-нан астам оқушы мен 385 мың мұғалім күнделікті пайдаланады.